Artikel

Azab anak Durhako


Oleh: Fazila Fiona
Prodi: Sastra Minangkabau Fakultas Ilmu Budaya

PADO DAHULU KALA  di pasisia pantai daerah sumatera barat , hiduiklah saurang Amak Basamo anak kesayangannyo yang banamo Malin. Sajak suaminyo maningga, Amak Malin harus bajuang mati-matian untuak maiduikan Malin. Maskipun modetu, Inyo tatap maraso sanang karano Malin marupoan anak inyo nan panyayang Jo sangaik manjo. Malin taruih mangawani amaknyo bakarajo manjua lauak.
 

Waktu tibo Malin baranjak gadang, Inyo maraso alah saaiknyo untuak manggantian amaknyo bakarajo. Tapi,Malin mampunyoi kainginan lain katiko maliek banyak kawan sabayanyo bisa Kayo Rayo dalam wakatu capaik  sasudah manggaleh di kota. 

“mak  Malin nio marantau Ka kota subarang,Malin barusaho manghasilan banyak pitih untuak Amak di sinan.” Amak Malin sangaik takajuik mandanga niek si buyuang kesayangannyo. “Jan Malin disiko lah Basamo Amak, Amak Ndak nio tajadi kajadian buruak nan manimpok buyuang di rantau.”  Malin barupayo mayakinan amaknyo kalau Inyo elok-elok sajo di tampek urang. 

Jo hati yang rusuah , Amak Malin malapehan buyuang nan nio marantau “elok-elok disinan Yo yuang, Jan lupo untuak capek baliak .” Amak Malin mamaluak arek Malin ,Inyo malambaian tangan di tapi pantai aia manih untuak maantaan Malin.
 

Suatu katiko Amak Malin mandanga dari urang kampung kalau malin alah baliak mambaok saurang padusi rancak , Amak Malin nan mandanga langsuang basobok Malin amak nio mamaluak Malin karano rindu saurang Amak tarhadok buyuang, Malin nan maraso jijok Jo malu tarhadok bininyo langsuang manundoan amaknyo hinggo tajatuah , Malin pun baniek indak maakui amaknyo.

 Inyo maeggang tubuah bininyo untuak maninggaan pantai . Amak Malin maraso sangaik sadiah Jo berang ,Inyo pun badoa kapado tuhan Jo manyumpahan Malin supayo dikutuak manjadi batu. Langik langsuang gamuruah mandanga doa Amak malin, Ndak lamo kamudian Malin barubah manjadi batu. 

Malin manyasa parilaku nan inyo buek Ka amaknyo. “Mak, ampunan Malin Mak, Malin Ndak sangajo buek amak nangih.” Namun,Malin indak mandapek ampun, Inyo dikutuak manjadi batu di tapi pantai. Kapa nyo lah pacah di hancuan ombak . Amak Malin Kundang manangih Jo sangaik sadiah hati, karano sibuyuangnyo nan durhako alah dikutuak manjadi batu.




[Ikuti PANTAURIAU.com Melalui Sosial Media]






Tulis Komentar

Untuk Berbagi Berita / Informasi / Peristiwa
Silahkan SMS ke nomor HP : 0813 6366 3104
atau email ke alamat : pantauriau@gmail.com
Harap camtumkan detail data diri Anda
Pengutipan Berita dan Foto, Cantumkan PANTAURIAU.com Sebagai Sumber Tanpa Penyingkatan