Nama        : Fauzan Aldi Yudha 
Nim         : 2210742020
Tugas        : Menulis Karya Sastra Minangkabau

DICARITOKAN  pado suatu kutiko di Nagari Sungai Tarab,iduik saurang pemuda banamo si Buyuang Karuik. Inyo adolah anak partamo dari pak Haji Alimin jo Mak Zainab,sapangan laki bini nan tampandang di kampuang.Sajak ketek si buyuang karuik tanamo cadiak jo elok laku.Inyo raji baraja jo mangaji ka surau sarato manolonh urang tuo nyo mambarasiahan rumah.Tapi ado ciek hal nan mambuek hati urang gaek nyo risau,sibuyuang ko agak pandiam jo pamalu.

Pado hari tu pak haji ma imbau si buyuang karuik..”Apak caliak buyuang jarang bagaua jo jakawan kawan, apo dak suko buyuang bamain jo anak anak tu?”.Sibuyuang karuik manakua an kapalo manjawek jo suaro lunak, “Pak buyuang emang suko surang”,buyuang labiah suko mambaco buku atau manolong ibu di rumah dari pado bamain ka lua”
Pak haji Alimin ma ambiak angok panjang,lalu bakato ,”Apak nio buyuang bagua jo kawan kawan buyuang yang sa umuran,bagaua tu pantianh untuak pakambangan diri buyuang,beko alah gadang buyuang harus bisa mangicek  jo urang lain”.

Sibuyuang karuik maangguak lambek.”Jadih Pak bia buyuang cubo”.Sajak itu buyuang karuik barusaho labiah tabukak jo bagaua jo  kawan saumurannyo,walaupun awal awal buyuang maraso cangguang lamo tambah lamo inyo mulai manikmati pakawanan inyo.Waktu tu buyuang sadang bamain bola jo kawan kawan nyo di lapangan kampuang,dak lamo tibo pamudo banamo si Ameh.Inyo anak bungsu dari kaluerga pak Gani,urang nan kayo rayo di kampuang.

Si Ameh jo gaya sombong nyo mandakek ka si buyuang karuik dan bakato,”oii buyuang manga ang bamain bola disiko?iko kan lapangan keluarga den,pail ah dari siko,dasar urang miskin!”.Mandanga kato kato si Ameh nan kasa,kawan kawan sibuyuang karuik pun banci mandanga,langsuang siap siap mangaliliangan si Ameh untuak mambela si buyuang karuik. Namun sibuyuang karuik mananangan kawan kawan nyo dan bakato,” alah tu kawan kawan bia buyuang nan ma urus inyo”.

Sibuyuang karuik mandakek ka si Ameh mangicek Jo tanang hati,”maaf, Ameh kami dak bamakasuik manggaduah,kami nio bamain bola disiko.Bisa dak kito babagi tampek untuak bamain?”.
Bukanyo maraso basalah si Ameh malah galah cimeeh ,”hehehe babagi? Jann mimpi lai! Iko lapangan punyo keluarga den.Kalian anak anak miskin dak cocok main disiko do!”.Mandaga kato si Ameh darah si buyuang karuik manggalagak inyo barusaho manahan emosinyo,tapi dak tatahan. Jo nan randah inyo mangicek ,”Ameh,bisa dak angku dak marandahan kami?kami nio bamain tanang.”

“Heh,memang nyo baa kalau den marandahan kalian?kalian kan layak di randahan,anak anak miskin!”. Mandanga kato kato itu emosi sibuyuang dak tatahan.Jo capek tangan inyo malapehan tinju ka muko si Ameh,si Ameh sampai tacampak ka tanah.Kawan kawan sibuyuang takajuik mancaliak buyuang ,kawannyo dak manyangko buyuang nan pamalu bisa pamberang mode tu,si Ameh tagak jo muko nan sangaik emosi.”Bisa bisanyo ang maninju den yo anak miskin! Caliak den kadua ka apak den!”.

Si Ameh basagiro pai maningga an lapangan bola,manuju ka rumahnyo.Sibuyuang tadiam jo maraso basalah,inyo dak manyangko kalau inyo bisa sa emosi itu.Bisuaknyo pak Gani tibo ka rumah pak haji amini jo muko masam,” haji, anak ambo maningecek kalau anak haji maninju anak ambo,apo mukasuik kalian?. Pak haji takajuik mandanga kato pak Gani,inyo ma imbau buyuang karuik dan mamintak buyuang manjalehan apo yang tajadi sabana nyo.Jo raso basalah ,Si buyuang mancarito an sadonyo.
Mandanga panjalehan si buyuang karuik,pak haji alimin ma ambiak angok panjang.Baliau bakato ka pak Gani,”maafkan anak ambo pak,inyo lah batindak di lua bateh.Tapi ambo yakin inyo dak bamakasuik mancari masalah.” Pak gani masih nampak emosi,”tapi tatap juo anak ambo taluko gara gara inyo,inyo harus di agiah palajaran bia dak ma ulang baliak.”

Pak Haji Alimin bapikia sabanta,lalu nyo manjawek.”Rancaknyo wak salasaian elok elok?bia ambo masehati anak ambo bia dak di ulang nyo. Dan pak Gani bisa kan mamaafkan anak ambo??”
Awal nyo pak Gani ragu ragu,tapi akhia nyo maangguak , “jadihlah,Haji.Tapi ingek,jan sampai ta ulang baliak.

Sajak kajadian itu,sibuyuang karuik labiah hati hati baparangai ,nyo sadar kalau emosi talampau bisa mambuek masalah,inyo pun samakin rajin baraja agama samo manolong urang gaeknyo di rumah.Batahun tahun alah lampau,sibuyuang tumbuah jadi pemuda nan sholeh jo batangguang jawab.Inyo barasil manyudahan pendidikan nyo dan jadi guru ngaji di kampuang nyo.Masyarakat banyak suko jo inyo dek parangainyo nan ramah jo kataladanan nyo.