Oleh: Dinda Aura Putri

DI SEBUAH  nagari di Minangkabau, ado surang gadih banamo Siti Kalasun. Parasnyo nan rancak mambuek banyak anak mudo tacangang, namun hatinyo alah tatutuik pado anak mudo nan banamo Sutan Sampono. Kaduo-duonyo bakasiahi dan bajanji untuak babini suatu ari. 

Namun, takdir mangatokan nan lain. Pado suatu ari, surang padagang kayo banamo Sutan Malik tibo ka nagari mareka.Inyo takajuik dek kaindahan Siti Kalasun jo mamutuihan untuak manglamarnyo. Urang tuonyo Siti Kalasun, nan dicanduang dek kakayoan Sutan Malik, manarimo lamaran tasabuik tanpa mangiraan parasaan anaknyo.
"Anak den, Siti Kalasun", kecek apaknyo suatu malam. 
 

"Sutan Malik lah mamintak ka awak, dan kami lah manarimo". Siti Kalasun takajuik. "Tapi ayah, ambo indak mancintoi inyo. Hati den hanyo untuak Sutan Sampono".
 

"Nak", kecek mandeh tu, "baa lai ka eloknyo iduik kito di maso nan ka tibo? Sutan Malik adolah surang padagang kayo. Inyo dapek mambari kahidupan nan layak". 
 

Aia mata Siti Kalasun tabik jo aia mato. "Tapi mande, nan kayo indak sagalonyo doh. Ambo labiah suko iduik sederhana basamo urang nan ambo kasiahi". 
 

Namun, kaputusan urang gaeknyo basatujuan. Inyo indak namuah mandanga tanyo Siti Kalasun. 

Jo parasaian kareh, anak gadih tu dipaso untuak manarimo pajanjian panikahan tu.Bisuak arinyo, Siti Kalasun basuo jo Sutan Sampono di tapi sungai, tampek biaso mereka batamu. Jo aia mato, inyo mancuritokan kaputusan urang gaeknyo. 

"Sampono, maafkan ambo", isak Siti Kalasun. "Ambo indak bisa manulak kahandak urang gaek ambo".
Sutan Sampono indak mangecek lai, hatinyo marusuah. 
 

"Baa indak ado caro lain, Siti? "Baa indak buliah kito balari basamo-samo?" 
Siti Kalasun manggigia nan lamah. 

"Ambo indak bisa mengecewakan urang gaek ambo, Sampono. Inyolah nan manolong ambo, inyo pulolah nan manyuruah ambo untuak mangarajokannyo".
Kaduo-duo inyo basamo-samo, mangaluakan kasedihan nan indak dapek dikatokan. 

Inyo bapaluakkan, baraso itu ka manjadi kasampatan nan tarakir untuak ka batamu baliak.
Ari baralek Siti Kalasun jo Sutan Malik tibo juo. Kasadonyo nagari basukocito, salain dari duo hati nan luko. 

Siti Kalasun mamakai pakaian pangantin nan rancak, namun wajahnyo indak mancaraminkan kabahagiaan. Sutan Sampono mamiliah untuak maasing diri ka hutan, indak tahan mancaliak urang nan dicintoannyo manikah jo urang lain.
 

Bisuak-bisuak lamonyo. Siti Kalasun hiduik marapulaiannyo jo Sutan Malik tanpa kasiah. Inyo bausaho manjadi bini nan baiak, namun hatinyo salalu marindukan Sutan Sampono. 

Sutan Malik, nan maraso bininyo indak bahagia, mulai baparangai kareh jo acok mabuak. Pado suatu malam, katiko Sutan Malik pulang dalam kaadaan mabuak-mabuak, inyo mambunuah Siti Kalasun tanpa alasan nan jaleh. Siti Kalasun, nan indak tahan lai jo parlakuan lakinyo, mamutuskan untuak lari.
 

Jo pakakeh-pakakeh, Siti Kalasun barangkek dari rumahnyo di tangah malam. Inyo bajalan indak ado arah, malalui nan kalam di malam hari, sampai akhirnya inyo sampai di ujuang hutan. Indak ragu-ragu, inyo masuak ka dalam hutan, diharap dapek mandapekan tampek manyalam. 

Samantaro itu, Sutan Sampono nan lah lamo maninggakan diri di dalam hutan, mandanga suaro langkah kaki jo tangih isak. Inyo manuruikkan suwaro tu, sarato sangaik takajuiknyo, kutiko inyo basuwo jo Siti Kalasun dalam kaadaan nan rapek sarato panuah jo luko. 

"Siti?" panggil Sutan Sampono indak picayo.
 

"Apo nan tajadi jo ang?" Siti Kalasun mancaliak, mato tabukak mancaliak sosok nan sangaik dirindunyo.
"Sampono!" mako inyo larilah ka adok-an urang tu.
 

Di bawah cahayo bulan nan manembus celah-celah daun, Siti Kalasun mancuritokan sado nan tajadi. Sutan Sampono mandangakan jo hati nan tabik amarah jo kasusahan."Maafkan ambo Siti", kato Sutan Sampono. 
 

"Ambo indak buliah mambuliahkan angkau manikah jo inyo. Ambo musti labiah barek malawan angkau". Siti Kalasun manggigia nan lamah. 
 

"Iko indak salah awak, Sampono. Awak tak boleh lawan takdir".
Kaduo anak laki-laki ko mamutuihan untuak tingga basamo di hutan, jauah dari hiruk pikuk nagari jo jauah dari jangkauan Sutan Malik.

 Inyo mambangun pondok-pondok sederhana jo iduik dari hasil hutan. Biyapun iduiknyo indak saroman jo nan dulu, tapi inyo basukocito dek karano inyo lah basuwo baliak.

 Tapi, kabahagiaan mareka indak lamo. Kabar tantang Siti Kalasun nan lapeh akhianyo sampai ka talingo Sutan Malik. Jo amarah nan mangganggam, inyo mangumpuakan anak buahnyo untuak mancari Siti Kalasun.
 

Suatu ari, katiko Sutan Sampono sadang baburu, rombongan Sutan Malik manamuan pondoknyo. Inyo manangkok Siti Kalasun dan mambaoknyo baliak ka nagari. Sutan Sampono nan pulang dari baburu dan manamukan pondoknyo kosong, capek sadar apo nan lah tajadi. 
 

Jo tekad nan batua, Sutan Sampono babaliak ka nagari untuak manyalamaikkan Siti Kalasun. Inyo mangawani pamuka adat jo mancuritokan sado nan tajadi, tamasuak parlakuan kareh Sutan Malik ka Siti Kalasun. 

Pamuka adat, nan salamo ko indak mangatawui sipaik asli Sutan Malik, maraso takajuik jo bangih. Inyo mamutuihan untuak mangadili Sutan Malik jo malapehkan Siti Kalasun dari ikatan pernikahan.
 

Sutan Malik, nan indak manarimo jo kaputusan tasabuik, mancubo untuak mambunuah Siti Kalasun. 

Namun, Sutan Sampono barasil malinduangi anak gadih tu, walaupun inyo sandiri luko parah dalam prosesnyo. 
Mancaliak pangorbanan Sutan Sampono, urang gaek Siti Kalasun akhianyo sadar kasalahannyo. 

Mareka maminta maaf kapado anaknyo jo Sutan Sampono, dan manegakkan hubuangan kaduonyo. 
Siti Kalasun manjago luko Sutan Sampono jo kasiah sayang. Sasudah mudo tu cukuik sakik, inyo akhianyo babini jo berkah dari saluruah nagari. 

Sutan Malik dibuang dari nagari jo indak pernah disabuik lai. Siti Kalasun jo Sutan Sampono hiduik basukocito salamonyo. Carito kasiah mareka manjadi legenda di karajaan tu, buktinyo baso kasiah sajati dapek mangalahkan sagalo halangan.
 

Babarapo taun kamudian, katiko Siti Kalasun jo Sutan Sampono alah manjadi niniak jo mamak, inyo acok mancuritokan kisahnyo ka cucu-cucunyo. Carito tantang pangorbanan, kasatiaan, jo kakuatan kasiah nan sajati. 
 

"Ingeklah, anak-anak ambo", kecek Siti Kalasun ka cucu-cucunyo.
 

"Cinto sajati indak salalu mudah. Kadang-kadang kito musti malawan banyak halangan. Tapi, jikok kito tatap satiya, sarato indak panah baranti mangarajokan nan katuju dek Allah, kasiah tu ka manjadikan kito sabana-bana sanang ati". Sutan Sampono mangicek setuju. 
 

"Jikok baitu, janlah ado surang juwo pun urang, nan di-anggauk harato, dek karano inyo sangaik kayo. Dek karano ati nan tulus jo kasiah nan suci labiah ba arago daripado sagalo arato di dunia ko".
 

Anak cucunyo mandangakan jo raso kagum, jo harapan suatu ari inyo dapek pulo basuo jo kasiah nan sarupo jo kasiah niniak jo mamaknyo. 
Itulah carito Siti Kalasun, carito tantang kasiah, pangorbanan, jo kakuatan untuak malawan ketidakadilan. 

Carito nan ka batahan sampai kini, sarato nan ka dicuritokan kabake generasi nan lain, mampaingekkan kito kasadonyo tantang kakuatan cinto nan sajati.
Mahasiswa jurusan sastra minangkabau fakultas ilmu budaya Universitas Andalas